1) 迪迪尼事件一：好多遊客打尖, 排排下隊突然有個小朋友係欄杆爬入來...然後用普通話大叫：媽媽,這邊呀！.....跟住一家三口入晒來！好彩有職員見到，叫佢地出去！佢地好犀利,唔出去,照企係到,扮聽唔到！唉！個職員為有叫佢個同事排到佢地時唔好比佢地入去玩，佢地先出返去！
2) 迪迪尼事件二：巡遊的時候, 我和其他的人一樣坐在美國小鎮大街等待巡遊, 當我望過對面路時！嘩！我嚇了一嚇！唔係呀嘩.........佢著裙坐係地下然後對腳仲要張到好開....佢著咩色係人都睇得清清楚楚,天氣熱都唔係咁散熱呀！佢知道我地望佢,但佢都係無乜反應, 佩服佩服....
3) 入電腦展前係鷹君的大X樂食下午荼, 因為間餐廳太細要等位, 我看到有一位阿伯坐係到而張枱有食完的東西係到, 正常人都以為佢食完！ 咁我企係佢隔離, 佢望一望我然後佢照按佢的電話, 隔三分鐘左右佢企起身, 那麼我準備行去坐之際, 個阿伯同我講： 喂！ 等緊架.........之後佢接手有個女人幫佢買既野食啦！我就應佢一句：唔早D講......
我心唸：咁係呀嗎？人地企係到等你個位！你應該同人講你啱啱坐低....仲要咁無禮貌喂人！仲要叫個女人買野比你食！過份！
4) 係電腦展比一間叫lenoXX的送貨員工比木板推車撞到隻腳, 同佢講：你撞到人呀流晒血, 佢仲要大聲過你話：咁你想點呀！賠錢比你呀！跟住去佢地牌子個檔位問有無膠布：無！同佢講你地個同事送貨撞親人先話有！
5) 同一日晚上, 去買雞旦仔食
我：唔該一底雞但仔呀！
阿姐：比底最靚既你呀！
我：唔使啦！！(我心唸：比底最燶左既我話最靚), 我要果底！(用手指一指)
阿姐：最靚都唔要呀！
我：唔使啦！我都係要果底！
阿姐：最靚既意思係脆咁解！
* 果阿姐真利害, 叫我買最燶果底話係最靚！
* 在短短兩日間真黑仔遇多那麼多無禮貌的人...真可悲
No comments:
Post a Comment